728 x 90

राष्ट्रपति पौडेलसँगको भेटमा भारतका विदेश सचिव मिश्रीले सुनाए मोदीको सन्देश

राष्ट्रपति पौडेलसँगको भेटमा भारतका विदेश सचिव मिश्रीले सुनाए मोदीको सन्देश

काठमाडौँ, १ भदौ । राष्ट्रपति रामचन्द्र पौडेलसँग भारतका विदेश सचिव विक्रम मिश्रीले शिष्टाचार भेट गरेका छन् । आइतबार बिहान दुईदिने नेपाल भ्रमणमा आएका विदेश सचिव मिश्रीले राष्ट्रपतिको कार्यालयमा पुगेर शिष्टाचार भेट गरेका हुन् । सो भेटका अवसरमा राष्ट्रपति पौडेलले एक मित्र एवम् निकट छिमेकीका नाताले भारतले गरेको प्रगतिबाट नेपालले लाभ हासिल गरेको र अझ बढी

काठमाडौँ, १ भदौ । राष्ट्रपति रामचन्द्र पौडेलसँग भारतका विदेश सचिव विक्रम मिश्रीले शिष्टाचार भेट गरेका छन् ।

आइतबार बिहान दुईदिने नेपाल भ्रमणमा आएका विदेश सचिव मिश्रीले राष्ट्रपतिको कार्यालयमा पुगेर शिष्टाचार भेट गरेका हुन् ।

सो भेटका अवसरमा राष्ट्रपति पौडेलले एक मित्र एवम् निकट छिमेकीका नाताले भारतले गरेको प्रगतिबाट नेपालले लाभ हासिल गरेको र अझ बढी लाभान्वित हुन चाहेको बताए ।

“एउटा उदाउँदो अन्तर्राष्ट्रिय शक्तिको रुपमा भारतको सामाजिक–आर्थिक र प्राविधिक क्षेत्रमा देखिएको प्रगतिबाट हामी प्रसन्न र उत्साहित छौँ, एक मित्र एवम् निकट छिमेकीका नाताले भारतका प्रगतिबाट नेपालले लाभ हासिल गरेको छ र अझ बढी लाभान्वित हुन चाहन्छ”, शिष्टाचार भेटमा राष्ट्रपति पौडेलको भनाइ उद्धृत गर्दै उहाँका प्रेस सल्लाहकार किरण पोखरेलले भने ।

उनले नेपाल र भारतबिच शताब्दीऔंदेखि सामाजिक, सांस्कृतिक, धार्मिक, आध्यात्मिक, आर्थिक, तथा जनस्तरको निकट सम्बन्ध रही आएको बताउँदै दुई मुलुकबीचको सम्बन्ध सार्वभौमिक समानता, मैत्रीपूर्ण सहयोग, आपसी सम्मान एवं विश्वासमा आधारित छ रहेको उल्लेख गरेका छन् ।

“नेपालले भारतसँगको सम्बन्धलाई सधैँ उच्च प्रथामिकतामा राख्दै आएको छ, छिमेकीसँगको सम्बन्धलाई विशेष महत्त्व दिने भारत सरकारको “छिमेक पहिलो नीति” को नेपाल सराहना गर्दछ”, राष्ट्रपति पौडेलले भने ।

सो अवसरमा भारतीय विदेश सचिव मिश्रीले भारतीय प्रधानमन्त्री नरेन्द्र मोदीको छिमेकी देशसँगको सम्बन्धलाई प्राथमिकता दिने नीतिअनुसार नेपाल प्राथमिकताको उच्च स्थानमा रहेको बताए ।

विदेश सचिव मिश्रीले आफ्नो भ्रमणका अवसरमा आधुनिक युगमा दुवै देशको प्रगति एवम् विकासका लागि कनेक्टीभीटी कसरी बढाउने भन्ने विषयमा छलफलको अवसर मिल्ने तथा यस भ्रमणबाट दुवै देशको सम्बन्धलाई थप प्रगाढ बनाउने विश्वास पनि व्यक्त गरे ।

Posts Carousel

Leave a Comment

Your email address will not be published. Required fields are marked with *

Latest Posts

Top Authors

Most Commented

Featured Videos