काठमाडौँ, १० साउन । आगामी साउन १६ गते सुनसरीको धरान रंगशालामा ‘त्रिगुट म्युजिकल नाइट’ हुने भएको छ । हस क्रिएसन्स, दृश्यः सी द अनसिन र इफ्लिक्स इन्टरटेन्मेन्ट युकले आयाजना गर्न लागेको कन्सर्टमा स्वर, रकहेड्स र द फिरन्ते ब्यान्ड सांगीतिक प्रस्तुति दिनेछन् ।

कार्यक्रममा ‘भ्वाइस अफ नेपाल’का गायकद्वय सार्थक लामा र प्रमेश राई, धरानको स्थानीय ब्यान्ड ‘आस्था एन्ड द ब्रदर्स’, ‘द क्राइसिस’ र ‘दी एलाइज ब्यान्ड’ले पनि आफ्ना गीत सुनाउनेछन् ।

आयोजक आकाश रावलले कन्सर्टमा आउने दर्शकका लागि भिआइपी, फ्यानपिट र जनरल जोनको व्यवस्था गरिएको बताए ।