काठमाडौँ, ३१ असार । कञ्चनपुरमा विषालु च्याउ खाँदा एकै परिवारका पाँच जना बिरामी परेका छन् । जिल्लाको दोधारा चाँदनी नगरपालिका– ६ कालागड टोलमा भातको नङ्ग्रा जङ्गलबाट ल्याएको विषालु च्याउ खाँदा एकै परिवारका पाँच जना बिरामी परेका हुन् ।

जङ्गलबाट ल्याएको च्याउ खाँदा ६३ वर्षीया कालु सुनारसहित उनका नातिनीहरु १८ वर्षीया निशा सुनार, आठ वर्षीय मन्सु सुनार र नातिहरु १६ वर्षीय भीम सुनार, १२ वर्षीय वसन्त सुनार बिरामी भएको जिल्ला प्रहरी कार्यालय कञ्चनपुरले जनाएको छ ।

असार ३० गते विषालु च्याउ खाँदा बिरामी भएका उनीहरूको दोधारा चाँदनी अस्पतालमा उपचार भइरहेको जिल्ला प्रहरी कार्यालय कञ्चनपुरका प्रहरी नायब उपरीक्षक एवम् प्रवक्ता सागर बोहराले बताए । मंगलबार उनीहरूको अवस्था सामान्य रहेको बताइएको छ ।